Seguimos descubrindo que a ciencia pode ser tan sinxela como sorprendente. Nesta ocasión realizamos un experimento empregando materiais cotiáns que permitiron observar un fenómeno moi chamativo.
Con atención e curiosidade, o alumnado converteuse unha vez máis en auténtico investigador e investigadora.
Preguntámonos que sucedería se engadiamos sal a unha mestura de auga e aceite.
Moveríanse os líquidos? Mesturaríanse? Podería aparecer algún efecto inesperado?
👀 Que observamos?
Os grans de sal atravesaron o aceite e, ao chegar á auga, comezaron a baixar e subir lentamente, creando un efecto visual moi atractivo, parecido a unha choiva de pequenas estrelas. Co paso do tempo, o movemento foi diminuíndo ata que o sal se disolveu por completo.
